Nunani Avannarlerni Ministerit Siunnersuisoqatigiit Kulturikkut Aningaasaateqarfii

Nunani Avannarlerni kulturikkut aningaasaateqarfii pingaartumik nunat avannarlerni imaluunniit nunat avannarlerniit peqataasoqartunut kulturikkut suliniutinut tapersersuisarput. Aningaasaateqarfiit assigiinngitsut uani takusaqarfigisinnaavatit, soorlu pingaarnertut tapersersugai qinnuteqarnissamullu ullut killiliussat. Linkit toorlugit paasisaqarnerugit.

Aningaasaateqarfiit ataani allassimasut arlaannut kulturikkut tapiissutinik qinnuteqassamaaruit, Nunani Avannarlerni Ministerit Siunnersuisoqatigiit nunat avannarliit kulturikkut 2013-miit 2020-p tungaanut suleqatigiinnerannut pilersaarusiatut saqqummersitaat atuarlugu iluaqutigissavat. Uani atuaruk.

Aamma ’qinnuteqaatitsialak’ qanoq sananeqarsinnaaneranut ilitsersuuterput atuarsinnaavat.


Aningaasaateqarfik Nassuiarneqarnera Qinnuteqarnissamut killiliussaq
Nunani Avannarlerni illugiinnik Aningaasaateqarfiit Nunani Avannarlerni arlalinnik illugiinnik aningaasaateqarfeqarpoq. Annermik kulturikkut, ilinniarnermut ilisimatusarnermullu tapiissuteqartarput. Ilaat immikkut ittunik angalanermut tapiisarput. Ataavartumik – aningaasaateqarfiit ataasiakkaat nittartagaat alakkaruk
Tapiinernut aaqqiissutit Nunani Avannarlerni Ministerit Siunnersuisoqatigiit ataaniittut Nunani Avannarlerni Ministerit Siunnersuisoqatigiit ataanni arlalinnik tapiinermik aaqqiissuteqarpoq. Ataavartumik – aningaasaateqarfiit ataasiakkaat nittartagaat alakkaruk
NordPlus Nordplus Rammeprogram inuuneq naallugu ilikkarnerup iluani ilinniarnikkut suleqatigiinnernut assigiinngitsunut arlalinnut tapiisarpoq, nunanut avannarlernut baltiskinullu. 1. marts 2017
Nordisk Kulturfond Nunat Avannarlerni Kulturikkut Aningaasaateqarfik ilinniarsimanngitsunut ilinniarsimasunullu kulturikkut suleqatigiinnut suliniutinullu tapiisarpoq.
Suliniutit taperneqartartut ilisarnaataat: allanngorarneq, siumut isiginninneq, tikikkuminarneq pitsaassuserlu.
25. januar 2017
Kulturkontakt Nord Kulturkontakt Nordip ataanii ikiorsiissutit attuumassutillit pingasuupput:

Kunst- og kulturprogrammet eqqumiitsiliornikkut kulturikkullu tapersiisarpoq, piginnaanngorsaanikkut (ass. workshop) imaluunniit isiginnaagassiornikkut (ass. teaterimi).

Mobilitetsprogrammet inunnut ataasiakkaanut nuunnissamut, kulturikkut suliallit akornanni attaveqaqatigiinnerup ineriartortinneranut eqqumiitsuliortunullu suliffigiutigalugu najugaannut tapiisarpoq.

Nordbuk inuusuttut meeqqallu kulturikkut suliniutaannut tapiisarpoq. Suliniummut peqataasut 30-t ataallugit ukioqartariaqarput.

Qinnuteqarfissatut ulloq killilussaq uani takuuk.
Nunat Avannarlerni nutserinermut tapiissutit Atuakkat oqaluttuallu nunat avannarlerneersut siaruarternissaata qulakkeernissaa ilisimaneqarnerulernissaallu siunertaavoq. Atuakkat oqaluttuallu pitsaasut nunat avannarlerni oqaatsinut allanut nutserlugit saqqumersinniissai siunertaavoq. Kalaallit Nunaanni nunat avannarlerni oqaatsinut allanut nutsertinnissaanut Atuakkiortut aqqutigalugu tapiissutinik qinnuteqartoqarsinnaavoq. Inuit ataasiakkaat uunga qinnuteqarsinnaanngillat – atuakkanik naqiterititsisarfik qinnuteqaasiortuusariaqarpoq. 1. April & 1. Oktober
Nordisk Film og TV fond Piviusunik tunngavilinnut filminut, filminut, TV-kkullu isiginnaagassianut tapiissuteqarnikkut, filmit TV-kkullu isiginnaagassiat nunat avannarlerni pilerisaarutiginissai siunertaavoq. Ataavartumik
NAPA Kulturip, ilinniartitsinerup, ilisimatusarnerup paasissutissiinerullu iluani suliniutinik naammassinninnissamut immikkut aningaasanik taperneqarnissamik pisariallit inuinnaat, peqatigiiffiit suliffeqarfiillu tapiiffigineqartarput. Suliniutip aallartiffissaa minnerpaamik qaammatinik marlunnik sioqqullugu
Refugier i Norden Nunani Avannarlerni tamani qimarnguiit Kulturkontakt Nordenimit tapiiffigineqartarput. Qimarnguik tassaavoq eqqumiitsuliortut isumassarsiorniarlutik, attaveqaqatigiinniarlutik suliniarlutillu najugaqarfigisinnaasaat. Qimarnguiit suut qinnutigineqarsinnaanersut uani takusinnaavatit. Eqqumiitsuliortut qimarnguimmut qaaqqunissaannuttaaq tapiiffigineqarnissamut qinnuteqartoqarsinnaavoq. 12.01.2017-13.02.2017
NORA NORA tassaavoq aningaasaateqarfik Norgep, Savalimmiut, Islandip Kalaallit Nunaallu akornanni suliniutinik tapiisartoq. Sulinitut makkuninnga sammisallit tapiiffigineqartarput: allaffeqarfiit inuinnaallu nutaaliornermik suliallit akorngini attaveqaqatigiinnermik pilersitsineq, nutaanik tunisassiorneq, nutaanik nioqqutissioriaatsinik ineriartortitsineq, pilerisaarinikkut nutaaliorneq, aammalu suliffeqarfiit iluanni allannguinermik nutaaliortut allat. 3. oktober 2016