Nunat Avannarliit Nuummi kulturisioqatigiinnerat ukiormanna annerpaaq peqataaffigiuk

Eqqumiitsuliornermik suliallit 100-t, pisussat 40-t sinnillit sumiiffiillu arfineq-marluk sinneqartut  Nuuk Nordisk Kulturfestival 2015 ammarpat oktobarip 21-aniit 25-anut misigisassarsiorfigineqarsinnaapput.

Tusarnaartitsinerit, saqqummersitsinerit, atuakkiornerup silarsuaanut tunngasunik oqalugiarnerit atuffassinerillu, isiginnaartitsinerit qitinnermillu takutitsinerit, suliniutit sammisaqartitsiviutigisut allarparpassuillu Nunani Avannarlerni tamani kulturimut tunngasut pissapput, Nuuk Nordisk Kulturfestivaleqarnerani. Savalimmiuneersoq Teitur, Sverigemeersoq Loney Dear, kalaaleq Nina Kreutzmann Jørgensen, Islandimeersoq Thorsteinn Ragnarsson aamma Norgemeersut qitittartoqatigiit Panta Rei – tassaapput Nunanit Avannarlerneersussat ilamininngui.

Kulturimik pikialaartitsineq aallartillugu Katuap paarlersuani oktobarip 21-ani nal. 16.30 ammaanersiorneqassaaq, ammaassallutik borgmesteri Asii Chemnitz Narup aamma NAPAmi pisortaq Mats Bjerde. Ammaanersiornermut atatillugu appisimaassapput Rosa og Rødderne aamma Nordisk Koncertkor Nanookkut peqatigalugit. Katuami ulloq naallugulusooq torlussortartut tivasartullu Danmarkimeersut The Embla peqatigalugit Hans Henrik Suersaq Poulsen aamma Pegatigiiffik Inngertartut appisimaassapput.

Nuuk Nordisk Kulturfestival kulturimik pikialaaritsineruvoq nutaarluinnaq. Festivaleqarnerata nalaani pisussat arlallit eqqumiitsuliortunit namminneq aaqqissorneqarput, tamanillu peqataaffigineqarsinnaasunik sammisaqartitsiviussallutik.

– Kulturi nalinginnaasoq avaqqutaarlugu pisoqartitsissaagut, najuuttut  peqataanermikkut kulturi allatulaaq misiginiassammassuk, festivaleqartitsinermi aaqqissueqataasut ilaat oqarpoq.

Suleqatigiinneq

Eqqumiitsuliornermik suliallit Nunat Avannarlernit assigiinngitsuneersut nunaqavissullugu peqatigiiffii arlallit, suliniaqatigiiffii arlallit, suliffeqarfii kulturimik suliaqartut aamma inuussutissarsiornermik ingerlatallit allarpassuit suleqatigiilluarnerisigut kulturimik pikialaartitsineq piviusunngorsinnaasimavoq.

– Illoqarfik tamarmilusooq peqataassaaq, sammisaqarfiusussammi amerlanersaat akeqanngitsumik iserfiusinnaajumaarput. Soqutiginnittut kajumissaarusuppagut pisussat allattorsimaffiat misissuataaqqullugu, meeqqanut, inuusuttunut inersimasunullu tulluartut arlaqaqimmata, suliniummi Nuuk Nordisk Kulturfestivalimi aqutsisoq Mette Hein oqarpoq.

Nunani Avannarlerni Nuummi Kulturisioqatigiinneq NAPA – Nunani Avannarlerni Piorsarsimassutsikkut Attaveqaatip Kommeqarfik Sermersuullu aallartitaraat. Taassuma saniatigut Katuaq, NUIF, Nunatta Isiginnaartitsisarfia Meeqqanut Atuagaateqarfillu qanimut suleqataapput.

Nunani Avannarlerni Nuummi Kulturisioqatigiittoqarnissaanut tapiisut:  Kulturkontakt Nord, Tips & Lotto midlerne, Vestnordisk Hovedstadsfond, Tuborgfondet, Nuna Fonden, Svend & Helene Junge fonden, NAPA – Nordens Institut i Grønland, Nuuk Sømandshjem, Nuuk Imeq, Nuup Bussii, Hotel Nordbo, Atlantic Music, Grønlandsbanken aamma Deres Auto.

 

Pikialaartitsinermi pisussanik allattorsimaffik tamakkiisoq downloaderuk: https://www.napa.gl/wp-content/uploads/2015/03/f–rdige-program.pdf
Pikialaartitsinermut paasisaqarnerorusukkuit: www.napa.gl/nuuknordisk

Imaluunniit uku misissukkit:

Facebook: fb/nuuknordisk,

Spotify og Youtube – “Nuuk Nordisk Kulturfestival”

Instagram og Twitter – #nuuknordisk.

Apeqqutissaqaruit attavissat:

Mette Hein Nielsen aaqqissuussisoq Nuuk Nordisk: mette@napa.gl og mobil 562359

Katja Vahl attaveqatigiinnermi akisussaasoq: katja@napa.gl og mobil 58 92 59

Mette Laustsen meeqqanut pisussani akisussaasoq: mette@katak.gl og mobil 34 89 27

Angajo Lennert-Sandgren inuusuttunut pisusssani akisussaasoq anls@sermersooq.gl og mobil 58 38 83

Inuuteq Kriegel assiliinermut akisussaasoq  inuuteq@napa.gl og mobil 485304

Karin Egede Lyberth nammineq kajumissutsimik sulisunut paasissutissiinermullu akisussaasoq info@zmeetings.com og mobil 48 24 48