Inuusuttut piorsarsimassutsikkut periarfissaat

7. August 2014

Ataatsimiinnermi ”Inuusuttut piorsarsimassutsikkut periarfissaat”- ni nunat avannarlerniit peqataasut amerlaqaat ilaatigut kulturikkut ilinniarfinniit, politikkikkut attuumassutilinnit, nunat avannarliit illutaanniit ilisimatusarfinniillu arlalinnik peqataasoqarluni.

Ataatsimiinnermi peqataasut saqqummiipput, qanoq meeqqanut inuusuttunullu kulturikkut suliniuteqarnissamut periarfissiisarnerlutik. Aamma Nunat avannarlerni kulturikkut suliniutit qanoq ilikkarfigisinnaanerlutigit eqqartorpagut.

Kultureqarnermut atuarfinni meeqqat piginnaasaqarluartut piginnaasakinnerillu naligiinnerusumik agguaanneqarnissaat sulissutiginerusariaqaripput, inerniliussat pingaarnerit ilagaat. Venezuelami nipilersornikkut aaqqissuussineq, El Sistema, atorlugu ilaatigut tamanna anguneqarsinnaavoq. Aaqqissuussinerup siunertaraa, meeqqat inuusuttullu ilaqutariinniit pissakinnerusuneersut nipilersornikkut ataatsimoornikkut peqataatinneqarnissaat. Aaqqissuussineq Sverigemi ingerlalluarpoq, ataatsimiinnermilu peqataasut arlallit nunagisaminni aaqqissuussinermik assingusumik aallartitserusullutik oqaatigaat.

Aamma kultureqarnermut ilinniarfinni niviarsiaqqat nukappiaqqallu amerlassusaat oqallisigineqarput. Kulturikkut sammivinni assigiinngitsuni niviarsiaqqat nukappiaqqallu qanoq amerlaqatigiinnerulersissinnaanerlugit oqallisigaarput. Assersuutigalugu qitinnermi kulturi niviarsiaqqanut naleqqunneruvoq, tussagassiuutinullu tunngasut ilinniarfiit nukappiaqqanit pilerigineqarnerusarlutik.

SMoK – Svensk Musik og Kulturskoleråd suleqatigalugu ataatsimiinneq aaqqissuunneqarpoq.

Ataatsimiinnermut pilersaarut takuuk: Program_konference