Nunat avannarliit – peqatigiilluta nukittuvugut

15. February 2017

Atuagagdliutit pingasunngornermi februaarip 15-iani saqqummermata ilassut Nunani Avannarlerni suleqatigiissutinut tunngasoq saqqummerpoq – indstiksavis – tassani ilaatigut Hallo Norden aamma NAPA – Nordens Institut i Grønland ilanngussaqarput. Ilanngussami atuarsinnaasavit ilagai killeqarfiit akimornissaannut suliniutit, ilinniarneq ilisimatusarnerlu, piujuaannartitsinissaq anguniarlugu suliniutit aamma suliniutit meeqqanut inuusuttunullu tunngasut.

Nunanit Avannarlerni suleqateqartut Nunatsinni arlaliupput, aajukulu ilai : Folketingimi ilaasortaq IA, Aaja Chemnitz Larsen – Pilersaarusiami aqutsisoq Hallo Norden, Vivi Vold – Nuummi Norge honorær generalkonsul, Kristian Lennert – Ilinniartitaanermut, Kultureqarnermut, Ilisimatusarnermut, Ilageeqarnermullu Naalakkersuisoq, Doris Jakobsen – Pinngortitaleriffimmi pisortaq, Klaus Nygaard – Nuuk Nordisk pilersaarusiami aqutsisoq, Pipaluk Lind – NAPA-mi pisortap tullersortaa, Katja Vahl – NAPA-mi pisortaq, Mats Bjerde – West Nordic Studies ilinniartoq, Arnajaaq Lynge. 

Assiliisoq : Inuuteq Kriegel