Allatta 2040

30. January 2015

NAPA – Nunani Avannarlerni Piorsarsimassutsikkut Attaveqaat, Milik Publishing, Nunatta Atuagaateqarfia aamma Sorlak aappassaanik oqaluttualiornermik unammisitsineq Allatta! aallarnerpaat. Massakkullu sammisassaq tassaavoq siunissaq: ukioq 2040.

Oqaluttualiat nutaat 32-it inuusuttunit 15-iniik 25-nut ukiulinnit allatat nassiunneqarsimapput, inuusuttullu siunissaat assigiinngeqisut takutinneqarput, soorlu siunissaq taarajuttoq nikallungasorlu, ilaasalu aatsitatassarsiornermi siunissaq neriulluarnartoq, ilaasalu pissaaneq, assanninneq, piitsuuneq, pisuujuneq, sorsunneq asanninnerlu sammisimavaat.

Inuusuttut Reykjavik-imut workshop-eriarlutik angalanerat pillugu atuarit: Norden 2040

 

Allatta 2040-mi ajugaasut ukuupput (nalaatsorneriinnakkut tulleriaakkat)

Karoline Lennert Sørensen

Bibi Lund

Kenny Fisker

Ilannguaq Karlsen

Maasi Chemnitz

Ludvikka Tellesen

Nukappi Boassen Wille

Debora Hansen Kleist

Marco Lund Olsen

Sandra Mathiasen

ALLATTA_logo2040

Bootcamp

Ajungaasut quliusutut januarip naanerani allannermi bootcamp-ertinneqarput Jessie Kleemann, Mette Moestrup aamma allannermi unammisitsinermi ajugaanikoq Niviaq Korneliussen peqatigalugit. Allannermi bootcamp-ertinneqarnermi allatatik kusassarlugillu aaqqissorpaat, atuakkamilu Allatta – 2040-mi saqqummersitsinneqarlutik. Taassuma saniatigut 2500 koruuninik akissarsitinneqarput aamma ‘Norden 2040’ Reykjavik-imi workshop-ertoqarnerani peqataanissamut periarfissinneqarlutik.

– Nuannaarutigalugu oqarsinnaavugut nutaaliornermik isumassarsiorluarnermillu allaaserisat imaqarluartut. Inuusuttut taartumik nikallungasunillu siunissaq pillugu takorluugaqarput, soorlu aatsitassarsiornerup tungaatigut, politikki tungaatigut aamma naalagaaffiginninneq pillugu, taamatut oqarput aaqqissuussisut. – Soqutiginarpoq atuarlugu allaaserisat arlaqartut siunissami inuiaqatigiit atuarluarsimasut takorluugarimmassuk, piniartutullu inuuneq unissimasoq, piniartuuneq aalisartuunerlu nammineq kajumissutsimik soqutisartut inississinalluni. Aamma atuarneqarsinnaavoq piorsarsimassutsikkut pingaartitat, ilaqutaariinneq, ikioqatigiinneq, ajunngittuliorneq, siuaasattalu anersaavanut ataqqinninneq pingaaruteqartut inuiattut nukittuutut siuariartussagutta.

NunaFonden, Selvstyrets Kulturmidler, NAPA – Nunani Avannarlerni Piorsarsimassutsikkut Attaveqaat, Sermeq Foenden aamma Qeqqata Kommunia Allatta – 2040-mit aningaasatigut tapiisuupput. Aaqqissuusisut naliliisuupput tasssaapput; atuakkiortoq Jessie Kleemann, lektori Birgit Kleist Pedersen, atuakkiortoq Hans Anthon Lynge, allannermilu unammisitsinermi ajungaanikoq aamma atuakkiortut peqatigiiffianni siulersuisoq Sørine Steenholdt.
Atuakkiaq junimi 2015-imi saqqummerneqarnissaa siunniunneqarpoq, atuakkamilu assilersukkat siunissamut tunngasut inuusuttunit sanaat ilaajumaarlutik. Atuakkiaq E-bog-itut aamma atuffassinertut saqqummersinneqarumaarpoq KNR-i suleqatigalugu. Taassuma saniatigut Nunatta Isiginnaartitsisarfia suleqatigalugu allaaserisat marluk isiginnaagassianngortinneqarumaarlutik.

Inuusuttut aamma Niviaq Korneliussen bootcamp-ereernerup kingorna KNR radiomi oqallinnerat tusarnaaruk.