Allatta 2018

Allannermik soqutigisaqarpit? 15-t 30-llu akornanni ukioqarpit?
Unammisitsinermut peqataanissamut periarfissaq maanna takkuppoq!
Allannermik unammisitsinerup qulequtaraa: Inissaqartitsineq

Allariaatsit ukua peqataaffigisinnaavatit:
Oqaluttuaaraliorneq
Taalliorneq
Essay-mik allanneq
Ilusilersuilluni oqaluttualiorneq

– Oqaluttuaaraliaq tassaavoq oqaluttuaq ilumuunngitsoq takivallaanngitsoq. Aalajangersimasunik inuttaqarpoq, annerpaamillu quppernernik 12-nik takissuseqassalluni.

– Taallaq naatsunnguuvoq naaneqatigiissaarsinnaasoq, versikkaarsinnaavoq, kisianni aamma isumaqanngissinnaavoq.

– Essay piviusulersaarutaavoq naatsunnguaq. Sammisamut piviusumiittumut isummersuutaasinnaavoq oqallissaarutaasinnaallunilu.

– Ilusilersuilluni oqaluttualiorneq tassaavoq titartakkat atorlugit oqaluttualiorneq. Oqaasertaqarsinnaavoq, pisariaqanngilarli.
Eqqaamallugu allannermik unammisitsinerup qulequtaa malittaralugu allassagavit/titartaassagavit 😉

Allariutsinut paasissutissat sukumiinerusut, allannissamullu siunnersuutissat uani PDF-nngorlugit nassaarisinnaavatit:
Allatta 2018 hæfte web

Facebook: Allatta 2018 imaluunniit www.napa.gl-mi nassaarisinnaavatit
.
Apeqqutissaqaruit Facebookikkut aamma aperisinnaavutit

Allatannik nassiussivissaq kingulleq: Januarip tallimaat 2018

Nassiussivissaq: allatta2018@napa.gl / NAPA – Imaneq 21, 3900 Nuuk

Nassiussisuni ajugaasut qulit toqqagaajumaarput, taakkulu Kulusummut allannermut pikkorissariartinneqassallutik.

Allalluarisi! 😉