|
Qinnuteqaatsialak
Isummersuutit arlallit tunngavigalugit qinnuteqaatit nalilersorneqarnissamut annguteriaannaavoq. Qanoq iliornissannik aningaasanik Nunani Avannarlerni qinnuteqarfissanut tunngasunik uani innersuussuteqassaagut.
Qinnuteqaammi pinngitsoorani nassuiarneqassapput makku:
-
Pilersaarusiat tunngavissaqarpa?
-
Qanoq tunngavissaqartippiuk?
-
Pilersaarusianni suna Nunanut avannarlernut tunngava?
-
Sooruna illit pilersaarusiat tapiiffigineqassasoq?
Qinnuteqaativit nassiutinnginerani uku ilanngullugit nassiussassatut piareersimassavatit:
- Suliniut sumut tunnganersoq erseqqissumik nassuiaatigiuk
- Missingersuusiat - aningaasartuutissat, isertitassat aamma nammineq aningaasaliissutissat suliniummut tunngasut tamakkiisut allattorsimaffiat
- Suliniutip piviusunngornissaata tungaanut suliassat tulleriissaarnerinut allattorsimaffik
- Peqataasussat tamarmik siornatigut sulerisuusimanerannik CV-nik allattorsimaffik
- Suliniut pillugu isumaqatigiissusiaareersut assilineri, soorlu suleqatigiinnissamut isumaqatigiissutit
Nunani avannarlerni piorsarsimassutsimut qinnuteqarfissat arlallit qanoq qinnuteqarnissamut pitsaasunik siunnersuuteqarput. Nunanut avannarlernut sorlernut qinnuteqarnersutit apeqqutaatillugu, pingaaruteqarpoq immersuinnginnermi taakkua innersuussutaasa maleruaqqusaasalu atuarluarnissaat. Ilaatigut uku takukkit:
|
|
Kulturkontakt Nord-imi suna tunngavigalugu qinnuteqarnersutit aallaavigalugu siunnersuutit innersuussutillu assigiinngitsuupput. Qanoq immersuinissamut ilitsersuut uaniippoq.
|
|
|
Nordisk Kulturfond qinnuteqaatitsialak qanoq immersorneqartarnersoq pillugu ilitsersuummik suliarinnippoq - siunnersuut una atuaruk. |
|
|
NordPlus piffissamut matumunnga atuuttumik quppersagaliorpoq. Qinnuteqarfiusinnaasut suunersut, kikkut qinnuteqarsinnaanersut qanorlu iliortoqassasoq paasisaqarfiginerorusukkukku uani atuaruk. |
|
