|
NAPA-miit tapiiffigitinneq
Inunnut ataasiakkaanut, peqatigiiffinnut immikkoortortanullu piorsarsimassutsinik, ilinniartitaanernut, ilisimatusarnernut paasititsiniaanernullu aningaasanik tapiiffigitinnissamut pisariaqartitsisunut tapiisarpugut.
Tapiiffigineqartartut tassaapput inuit ataasiakkaat, peqatigiiffiit immikoortortaqarfiillu Kalaallit Nunaanni najugaqartut aamma inuit ataasiakkaat, peqatigiiffiit immikoortortaqarfiillu Nunanni avannarlerni najugaqartut, kalaallinik assigiinngitsutigut suleqateqartut imaluunniit Kalaallit Nunaanni Nunallu avannaamioqatigiinni suliaqarniarlutik pilersaarusiortut.
Nunat avannarliit ukuupput: Danmark, Finland, Savalimmiut, Kalaallit Nunaat, Island, Norge, Sverige aammalu Ålandip qeqertai.
|
NAPA-p uku aallaavigivai:
- Meeqqat inuusuttullu
- Nunarsuatta ineriartornera
- Nunat avannaamioqatigiit oqaasii
- Assigiinngissitaarneq
- Piorsarsimassuseq
- Ilinniartitaanerit piginnaaneqarfiillu
|
 |
Inuussutissarsiortunut, sunngiffimmi inuussutissarsiortunut sukisaarsaatigalugu suliaqartunut tapiisarpugut. NAPA-mi aningaasaliissutit ilaat NAPA-mi suliniutinut inissinneqartarput, taassumunngalu tunngatillugu suleqataasinnaasunik imaluunniit isumassarsianut suleqateqarnissatsinnik soqutiginnippugut.
2011-mi taperneqartut allattorsimaffianni kikkut sumut tunngatillugu taperneqarsimanerat takuuk
Qinnuteqaat
NAPA-mut qinnuteqaatit suliassap aallartinnginneraniit qaammatit marluk sioqqullugit nassiuteriissavat. Qinnuteqaatit tiguneqarneraniit qinnuteqaatit qaqugukkut akineqassanersoq nikerarsinnaasarpoq, NAPA-miillu erseqqissaatigissavarput aningaasat tapiissutitut qinnutigineqartut amerlasiartortillugit akineqarnissamut utaqqineq sivisunerusinnaammat. Qinnutigineqartut 100.000 koruunit sinneqarpata juullertinnagu nassiussat siulersuisut ataatsimiinneranni februaari/marsimi pisumi nalilerneqassapput, juunilu sioqqullugu nassiussat aggusti/septembarimi nalilerneqassallutik.
Qinnuteqarnermut immersugassaq ugguuna aajuk, immersoreerukkulu "Send formular" qulaaniittoq tuuginnassavat.
Taperneqarsimaguit suliap naammassineraniit kingusinnerpaamik qammat ataaseq qaangiutsinnagu imatut iliussaatit:
- Suliaq allaaserineqarlunilu naatsorsuutit - uppernarsaatit ilanngullugit - nassiunneqassapput.
- Suliap qanoq issimanera pillugu NAPA-mut aamma nassuiaateqassaatit, ilaatigut tassaasinnaapput suliap ingerlaarneraniit aallartisarneraniillu assilisat. Ajornanngippat suliamiit nipit videollu aamma perusussavagut.
- Immiussisoqassappat NAPA apersuinerni immiussinernilu ikiuussinnaavoq.
- NAPA pisinnaatitaavoq suliamiit tigulaarinnillunilu saqqummiinernut atuissalluni.
NAPA-p uku tapiiffigineq ajorpai
NAPA-p piorsarsimassutsimut tunngasut assigiinngitsut amerlaqisut tapertarpai taakkuuppullu qulaani taaneqartut ilaat. Ajoraluartumillu aamma tapersinnaanngisaqarpugut, soorlu:
- Peqatigiiffiit kattuffiillu ingerlatsinerannut amigartoornerannullu
- Pinngortitamut nakorsaatinullu ilisimatusarnernut
- Pilersaarutit angalanerillu timersornernut tunnganerusut
- Atuaqatigiit nunatsinniit Danmarkimut angalaniartut - kisiannili nunanut avannarlernut angalanerit ajornanngillat
- Immiussinernut atortorissaarutit (soorlu nipilersuutit, assiliiviit, qarasaasiat il.il..)
|
