Norden Rundt

NORDEN Rundt - sikup sinaavanit eqqumiitsuliat

Nunani Avannarlerni Piorsarsimassutsikkut Attaveqaat, NAPA, arfininngornermi septembarip aallaqqaataani ukiunik 25-nngortorsiorpoq. Tamanna Nunani Avannarlerni eqqumiitsuliortunngorniat suliaannik containerit iluini saqqummersitsinermik aamma illoqarfiup meerartaasa tikeraat peqatigalugit atit aallaavigalugit napasulialiornerannik nalliussineqarpoq. 

Containerne foran Katuaq

Containerini saqqummersitsineq: ’Norden Rundt – Sikup Sinaavanit Eqqumiitsuliat’ Kalaallit Nunaanni ammarneqarnermi kingorna Nunani Avannarlerni angalaartinneqalerpoq.

Suliami containerit tallimaapput, inuusuttut ukunanngaanneersut eqqumiitsuliorfigisaat: Åland, Savalimmiut, Island, Finland aamma Kalaallit Nunaat. Inuusuttut eqqumiitsulioqataasut Nunatsinni ammaanersiornermi tamarmik najuupput. Misilittakkat eqqumiitsuliornermilu periutsit atorneqartut eqqartueqatigiissutigaat.

Direktør Leise Johnsen holder tale og Nive Nielsen står klar

 - Norden Rundt-imi takuneqarsinnaapput inuusuttut nunani avannarlerneersut nunat tallimat assigiinngeqisut aggerfimmik ilisarnaatigisinnaasaattut containerit iluini eqqumiitsuliatut takutitassiaat. Containerit nunatsinniinnerini neriuppunga Åland, Finland, Savalimmiut aamma Island inuusuttut isaannit isigalugu ilikkagaqarfigalugillu ilisarineqarsinnaassasut, soorluttaaq containeri nunatsinneersut eqqumiitsuliaannik imallip nunani avannarlerneersut alutorsaatigiumaaraat neriuutiginarpoq, Leise Johnsen oqarpoq.

Pisortap ammaalluni oqaaseqarnerata kingorna Nive Nielsen nipilersoqataalu pingasunik appisimaagaqarput, najuuttorpassuit containerit iluini alakkarterisut. 

Containerit nunarsuarmi niuernermi pinngitsoorneqarsinnaajunnaarsimapput tassaallutillu Nunatsinnut Nunatsinniillu nioqqutissanik angallassinermi atorluarneqartartut. Norden Rundtimili usit tassaassanngillat nagguteeraasaat equutissiallu, tassaassallutilli inuusuttut kusanartuliaat. Ilaat tassaassapput ikitsisit atorlugit suliat aamma pappiara atorlugu aaviliat.

Ammaanersiornermi Savalimmiormiut inuusuttaat containerimut qaqillugit savalimmiutuumik atuiitigalugit tukkartornertalimmik takutitsinermikkut containerit saqqummersitsineq ammarpaat.

Åbning af færøske kunstnere

- Nunatsinni saqqummersitsivissaaleqisarpugut. Sinerissami inoqarfimmut sumulluunniit pigaanni containerit takussaajuarput, taamaammat containerit iluisa saqqummersitsiviusinnaanerat isumassarsiaraarput, Leise Johnsen nassuiaavoq.

Færøernes container Grønlands container Islands container
Ålands container

Containerit tallimat tullianik ammarneqassapput Helsinkimi Nunat Avannarliit Ministeriisa Siunnersuisoqatigiivi oktobarip 29-ani ataatsimiilerpata.

Containeri sorleq nunani avannarlerneersut kikkut suliarineraat eqqoriaruk :-)

Finlands container

Suliniut NAPAp Nunat Avannarlerni qanimut suleqatai, Reykjavikimi Nordens Hus, Savalimmiuni Nordens Hus aamma Finlandimi Ålandimilu Nordens Institutit aamma Royal Arctic Line aamma Kommuneqarfik Sermersooq suleqatigalugit piviusunngortinneqarsinnaasimavoq.

norden rundt

 

 

nordisk kulturfond ny sermersooq_gl nord_buk_dansk_rgb_300-1 royal_arctic
 
Copyright © 2014 . All Rights Reserved. Designed by JoomlArt.com.
NAPA -Nordens institut i Grønland. Adresse: Imaneq 21, Postboks 770, 3900 Nuuk.
Telefon: + 299 324 733. Fax: +299 325 733. E-post: napa@napa.gl

KulturKontakt Nord

kkn_lo-res_dk

Nordisk Kulturfond

nordisk kulturfond ny

NORDPLUS

Valhalla

 valhalla