|
NAPA-mut tikilluarit – Nunani Avannarlerni Piorsarsimassutsikkut Attaveqaat NAPA tassaavoq Nordisk Ministerråd ilaani piorsarsimassutsikkut immikkoortortaqarfik 1987-imi pisortatigoortumik ammarneqartoq. NAPA Nunani Avannarlerni Piorsarsimassutsikkut Attaveqaat-mit naalisagaavoq. NAPA Katuami allaffeqarpoq, Kalaallit Nunaanni kulturikkut Illorsuaq, Nuuk. NAPA tassaavoq Kalaallit Nunaata Nunanut Avannarlernut taamatuttaaq nunatta piorsarsimassusaanut pisooqisumut ikaartarfik. NAPA tassaavortaaq kalaallit piorsarsimassutsinik suliaqartut Nunanut Avannarlernut ikaartarfiat - attaveqaatinut periarfissanullu amerlaqisunut. NAPA-p suliassarivaa kalaallit piorsarsimassusaat eqqarsaatigalugu ineriartortitseqataanissaq, tapersersuinissaq kaammattuinissarlu, pingaartumik meeqqat inuusuttut piorsarsimassusaat aallaavigalugu. NAPA nunatsinni nunanilu allani attuumassutilinnik suleqateqarnissamik ammaasinnaavoq, attaveqaqatigiinneq eqqarsaatigalugu suleqatitullu. NAPA Nunani Avannarlerni aningaasanik qinnuteqarfiusinnaasunik ilisimatitsisarpoq, soorlu Kultur Kontakt Nord, NordPlus og Valhalla. NAPA-p qatanngutitut immikkoortortaqarfiit uku suleqatigai, Nordens hus på Færøerne, Nordens institut på Åland, Nordens Institut i Finland, Nordens hus i Reykjavik taamatuttaaq Københavnimiittoq Nordatlantens Brygge qanittumi suleqatigalugu. |





































